Bergsøy har fått inn ein ny kamp på lista over treningskampar, og møter Hødd mandag 15. februar kl. 17:00.

Hødd skulle møtt Sogndal komande helg, men den kampen har vorte avlyst. I staden kjem dei til Fosnavåg for å møte Bergsøy, i det som ifølge Mathias Pettersen truleg vert det første møtet mellom klubbane sidan slutten av 1970-talet.

Hødd vann denne helga 4-1 over Kristiansund og 7-1 over Byåsen i ei turnering for 2. divisjonslag i Sunnmørshallen, og det vert ein god referanse for Bergsøy å få møte eit Hødd- lag som har som mål å rykke opp til Adeccoligaen denne sesongen.

Bergsøy skal også spele mot Skarbøvik frå 2. divisjon om ein månad.