Heisann.

Då har vi fått treningstidene for komande veke og dei er:

Mandag 6/10 kl. 2100 på kunstgras

Onsdag 8/10 kl. 1930 på kunstgras

Fredag 10/10 kl. 1800 på kunstgras

I tillegg til desse tre treningane vert det sannsynligvis ei trening neste mandag og før kampen mot Skarbøvik. Fredagstrening må kanskje bli under leiing av ein av spelerane dersom eg ikkje har fri frå jobb.

Håper at alle kan møte på treningane denne veka og at alle er skadefrie og klare til årets to siste kampar. Forfall meldast til meg i god tid før treningane

KM - kampane

Onsdag 15.10. kl. 19.00 Bergsøy - SIF

Søndag 19.10. kl. 14.00 SIF - Brattvåg

Bergsøy - Åram 10 - 0

Årets siste seriekamp var lenge prega av nervøsitet, spenning, forventning og skrekk, men så starta kampen og alt dette rant vekk. Bergsøy fortsatte den gode trenden frå forrige seriekamp mot Larsnes og sjølv om denne kampen mot Åram var særs viktig med tanke på å kvalifisere seg til KM sluttspelet, så verka spelerane overraskande avslappa etter kvart som kampen kom skikkeleg i gong.

Sjølv om vi måtte foreta nokre endringar frå forrige kamp pga. skader, så merka ein lite til at dette hadde noko å sei for spelerane. Det var kun dei fyrste 5 minutta som var litt nølande, der vi stressa litt for mykje, men etter det så senka vi skuldrane og finspelet kom sigande. Perioda mellom det 7 speleminutt og det 37 speleminutt var tidvis glitrande, der spelet gjekk raskt langs bakken og i lengderetning og kun tidvis fekk motstanderane låne ballen. I denne perioda kom og dei fleste av dagens mål, noko som gjorde at vi kunne gå til pause med ei særs fortent 8-0 leiing.

I andre omgong gjekk det litt tråare i målprotokollen, men der var mange flotte angrep som nesten førte til nye nettkjenningar, diverre var vi litt for upresise i den siste berøringa, noko som gjorde at ballen enten gjekk rett utanfor, eller rett på keeper. At rytmen forsvann litt etter kvart tek eg på meg skylda for, då eg bytta ein del spelerar for å teste ulike sammensetningar av laget. Syns at dei fleste presterte jamnt i dag, men vil trekke fram Hanne M og Lovise som presterte over snittet i kvar sin ende av bana.

Målscorar i dag:

Lovise 5

Miriam 2

Veronica 1

Mari 1

Sjølvmål 1

Treningstider denne veka er:

Mandag i Huldalen kl.1830

Fredag på kunstgras kl.1630

Kamp mot Åram onsdag kl.1830. Oppmøte er satt til kl.1730. Kampen blir på kunstgras.

Dei som blir med på Førdecup er: Mia, Lovise, Mari, Birthe, Veronica, Lene, Karina, Karianne, Nathalie, Hanne M, Eirin.

Bergsøy - Gu/lars

Før toppkampen var stemninga ganske spent blant spelerane, det var tydelig at dei visste kva som stod på spel, men etter ei god oppvarmingsøkt senka skuldrane seg og nervane kom meir til ro.

Eit tidleg mål var med på å roe nervane endå meir blant damene og spelet gjekk kjapt og godt langs bakken. Bergsøy tok kontroll over kampen og i løpet av den fyrste omgongen varta vi opp med til tider flott angrepsfotball. Ballen blei lenge i laget og bakover på bana fungerte duell og sikringspelet glimrande.  Stillinga til pause var 3-0.

I andre omgong jamna det seg litt ut først i omgongen ettersom Gu/lars flytta spelerane sine litt høgare i banen og pressa litt på, men etter kvart som omgongen gjekk, tok BIL meir og meir over spelet og enkeltprestasjonar samt flott kombinasjonsspel førte til fleire flotte angrep. Andreomgongen førte dermed til tre nye mål til damene, noko som tok sluttstillinga til heile 6-0 over leiarlaget i avdelinga. Bortimot årsbeste av damelaget dette:)

Målscorarar denne kampen:

Mari 2

Mia 1

Veronica 1

Karina 1

Lene 1 

Denne veka blir det litt endringar i høve treningsbaner og tider. Grunna stor pågang på gras og kunstgras, så blir eine treninga i huldalen, den andre på gras, mens kampane går på kunstgras. Viktig at flest mogleg møtar på treningane denne veka, slik at vi får ei god treningsveke.

Treningar:

Mandag, Huldalen kl 19.30, grustrening, ta med rett type sko!

Onsdag, Bergsøy Stadion, kl 18.00, grastrening.

Kampar:

Fredag kl 18.30 på Kunstgrasbana, heimekamp mot Åram. Oppmøte satt til kl 17.30.

Søndag kl 19.30 på Kunstgrasbana, heimekamp mot Gursken/Larsnes. Oppmøte satt til kl 18.30.

Ellers så er det ny frist angående Førdecup. Vi må vite kven som skal vere med helst i løpet av neste helg, så dei som ikkje har svart enno må finne det ut til då. På lista står kun dei som enten har sagt i frå på nett eller mobil til meg.

Lista til no: Lene, Mia, Mari, Veronica, Lovise

Bergsøy - Gjerdsvika     11 - 0

Målscorarar:

Lovise 2

Mia 2

Mari 2

Hanne M 2

Karina 1

Eirin 1

Birthe 1

Kampen:

Fordi vi hadde så mange spelerar i dag valgte eg å dele opp i tre jamngode lag som eg kunne bytte mellom, dette var for å gi alle sammen verdifull matchtrening før dei to siste seriekampane i år.

Kampen var frå vår side greit gjennomført, og med et tidleg mål tok vi raskt eit grep om kampen. I fyrsteomgong spesielt varta vi opp med flotte oppbygde angrep, der ballen gjekk raskt og på få touch. Som fylgje av dette kom vi til fleire gode målsjansar og produserte nokon flotte mål. Stillinga til pause var ei fortent 7-0 leiing.

I andre omgong fortsatte ein del av det gode spelet, men vi blei litt mindre presise  i sistepasninga og avslutningane, så målkjøret frå fyrstomgong blei ikkje heilt fulgt opp. Likevel vil eg sei at vi gjennomførte ein god kamp og fekk plusse på målskilnaden litt.

Vil gi Susanne litt ros og, då ho tok det som kom av skot og var oppmerksom og tidlig ute på gjennomspel.

Treningstidene denne veka er:

Mandag KGB kl.2100

Onsdag Bergsøy stadion kl.1800

Kampen mot gjerdsvika blir på fredag kl. 1800 på BIL stadion.

Oppmøte er satt til kl 17.15 seinast! Reservebane for denne kampen er Huldal Dirtground:P

Status interesserte Førde Cup er akkurat no 4

Haustsesongen er godt i gong og innendørsfotballen nærmar seg med stormskritt. Noko anna som nærmar seg er årets Førde Cup og akkurat som i tidligare år har vi i år fått ein invitasjon til denne cupen.

Derfor lurer eg på om det er noko interesse rundt det å melde på eit lag til denne cupen?

Dette gjeld fyrst og fremst junior- og jentespelerane våre sidan spelerane må vere født etter 1.1.1989 for å kunne delta. For våre meir rutinerte spelarar så kan dei gjerne vere med som leiarar og støttespelerar.

Årets cup går av stabelen 14.-16.november og vi må helst bestemme oss før 1.oktober for å vere sikra plass i cupen.

Utgiftene i samband med deltakarkort og påmeldingsavgift vert dekt av restane etter sponsormidlane.

Alle som er interessert melder seg enten her eller til meg snarast

Denne veka har vi fått tildelt to trningstider, samt kamp på onsdag.

Merk dykk tidene:

Mandag kl 2030 på kunstgras, trening

Onsdag kl 1900 på kunstgras, kamp mot Gjerdsvika. Oppmøte kl 1800

Torsdag kl 1900 i Huldalen, trening

Torsdag kan ikkje eg møte så Lene og Therese har ansvaret for den treninga.

Tjørvåg - Bergsøy    1 - 8

Troppen: Susanne, Birthe, Lene, Hanne M, Silje, Eirin, Anniken, Mari, Lovise

Målscorarar BIL:

Lovise 2

Eirin 3

Silje 2

Mari 1

Damene spelte ein grei kamp der måla kom etter fine overgongar, enkeltprestasjonar og godt oppbygde angrep. Laget framsto som godt organisert og ballsikkert, noko som førte til eit ballinnhav( ifølge enkelte spelarar) på 70% i vår favør. Etter ein OK fyrsteomgong(0-3), blei forskjellen på laga klarare i løpet av andreomgongen.Laget blei meir spelande og ballen gjekk raskare.

 Må takast med at dette er fyrste gongen vi har vore på grus denne sesongen, så undelaget var ikkje heilt ideelt. Men alt i alt ein bra gjennomført kamp og 3 viktige poeng.

Honnør også til Tjørvåg som trass i veldig liten spelarstall ikkje har trukke laget, men stiller til kamp også ut sesongen.