Kor mange treningar har vi hatt sidan 1. januar ?

Kven av spelarane har deltatt på flest treningar ?

Kven av trenarane har deltatt på flest treningar ?

Kor mange mål har vi skora i serien totalt (både vår og haust) og kor mange mål har vi sluppet inn ?

Kven er lagets toppscorar i vårsesongen og kven har skora mest i haustsesongen ?

Kor mange på laget har skora mål i årets serie ?

Kor mange gule kort har vi fått mot oss og kven har fått dei ?

Desse møter:

Sander, Ola, Martin, Håkon, Gerhard, Per Einar, David, Øyvind, Roald, Hallgeir, Thor Endre, Anders, Tommy og Emil.

Sondre har meldt at han ikkje kan spele.  Er det andre som ikkje kan møte ber eg om tilbakemelding omgåande (tlf 901 66689) slik at vi kan hente inn ein annan.  I tillegg til dei som er nemnt over skal vi prøve å få med ein keeper.

Oppmøte på Statoil seinast kl 16.05.  Vi treng ein seier i årets siste seriekamp !!!

Ut over hausten har Gutte 94 fått treningstider på tirsdagar og torsdagar frå kl 19.30 til kl 21.00.

Det er lagt opp til frivillige treningar framover hausten.  Underteikna har ikkje kapasitet til å delta på treningar på kunstgrasbana i oktober, men det kan vere aktuelt å vere til stades på ei trening i veka frå november og fram til ny trenar er på plass.  Som kjent vil verken eg, Kjetil eller John Egil ha hovudansvaret for laget neste sesong.  Vi har orientert styret i fotballgruppa om dette og bedt dei om å finne ein god trenar for neste sesong.

Vi satsar på å vinne årets siste seriekamp mot Aksla på Ratvika kunstgrasbane mandag 6.  oktober. 

Foreldregruppa legg også opp til ei markering / avslutning i veke 42 eller 43.

Eg vil kome attende med ein del statistikk frå årets sesong etter at vi har spelt kampen på mandag.

Husk treninga torsdag 2. oktober kl 19.30.

Det vart 4-1 tap i dagens kamp mot Aafk.  Aafk hadde ei tid forsøkt å få kampen utsett grunna sjukdom og skader.  Dei fekk imidlertid tak i 3 spelarar og kampen gjekk som planlagt.

Keeper Anders brakk handa fredag og før oppvarmings starta i dag skada reservekeeper Sondre ein finger.

Dermed fekk vi lånt Sami på 95 laget.  Sjølv om an ikkje har stått i mål på 11 ar før gjorde han ein grei jobb- offensiv av legning.

Første omgang var javn, med eit spelemessig og sjansemessig overtak.Vi hadde stangskot, Aafk redda på streken (fleire Bergsøy spelarar meinte ballen var inne, vi var aleine med keeper, men ballen ville ikkje i mål.

I omgangens siste minutt gjorde Aafk 1-0.  Eit litt unødvendig mål.  Vi burde kunne avverga dette, men av og til gir nokre av spelarane våre opp og jogger tilbake istaden for å gjere eit heilhjerta returløp.

Denne omgangen spelte vi godt, med kombinasjonsspel, fine pasningar, gjennomspel og solid forsvarsspel - både frå sentral midtbane og frå forsvaret.

I andre omgong gjorde lagleiarane for mange rokeringar.  Ola byrja i mål og det gjorde at vi miste oppspelspunktet vårt i angrep.

Aafk gjekk opp til 2-0 i det 54 minutt.  Etter det gjekk Sami i mål igjen.

Dommar Rønning gav Aafk eit meget tvilsomt straffespark på ein hands (vi fekk ikkje straffe på ein klarare hands like før).  Aafk skora.  I det 65 minutt fekk vi eit fint gjennomspel og Per Einar skora sikkert aleine med keeper.

Eit minutt før slutt gjekk Aafk opp til 4-1.  Også eit litt unødvendig mål der kantspelaren runda sideforsvararen vår og fekk fri bane mot mål.  Av og til er vi ikkje flinke nok til å plassere oss rett i forhold til motstandarane sine angrepsspelarar og eige mål.

Aafk var nok det beste laget i 2 omgang, men marginane var heller ikkje på vår side i denne kampen.

Då har vi ein kamp igjen.  Mot Aksla neste mandag.  Den kampen må og skal vi vinne. 

Slik det ser ut per i dag vert det kamp mot Aafk kl 18.30.

Så vi stiller med dei spelarane som er til disposisjon.

Aafk har gjennom fleire telefonar og sms ar bedt om at dagens kamp vert utsett.  Dette grunngir dei med skader, sjukdom og kampkollisjon (G-13).

Vi har fram til i går kveld avvist ei utsetjing.  No er saks sendt over til Sunnmøre Fotballkrets for uttale.  Så snart vi har fått ei tilbakemelding frå dei vil vi kome med ei ny melding på sida.

I veke 40 er det kamp på Bergsøy KGB mandag 29. september kl 18.30.  Motstandar er Aafk og vi møter opp kl 17.45

Torsdag 2. oktober har vi trening på kunstgrasbana kl 19.30.

Det har gått litt rykter i helga om at spelarar er sjuke/skadde.  Kan t.d Anders og Stig Børre spele kampen mot Aafk ? 

Om nokon av dei oppsette spelarane ikkje kan møte ber eg om at de gir meg melding om dette - enten på sida eller med ein tlf/sms til 901 66689

På heimebane i dag (23 september) tapte vi 5-2 mot Blindheim.

Vi var ikkje konsentrerte frå start og Blindheim fekk sitt første mål etter berre 20 sekund.  Fint innlegg frå sida vart ekspedert kontant i mål

I det 15 og i det 30 minutt auka Blindheim leiinga si til 2-0 og 3-0.  Begge gangane etter raske overgongar etter at vi hadde dødballar på deira banehalvdel.  Begge gongane var det gjennomløpningar i midten.

I det 31 minutt reduserte Ola frå kort hald.

I andre omgang auka Blindheim til 4-1 i det 55 minutt.  Det målet lukta det offside av.  Like etter fekk dei eit mål annulert etter offside.

I det 60 minutt fekk vi kampens finaste mål.  I stort tempo bretta vi ut mot høgre og etter eit par trekk knalla Martin ballen i mål frå omlag 20 meter.  4-2

Kampens siste mål fekk Blindheim i det 68 miutt.  Ei ny gjennomløping i midten og på ny vart vår keeper runda før ballen vart sett i ope mål.

Like før slutt var Per Einar fri på venstrekanten, men skotet gjekk til side for mål.

Dette var ein litt stang ut kamp for oss.  Vi var meir med i kampen enn det resultatet viser.  Spelarane jobba og sleit gjennom heile kampen.  Dei viste stor kampmoral og med slik innsats i tidlegare kampar hadde vi nok hatt meir poeng enn dei 10 vi har i dag.

For Bergsøy spelte Anders, Håkon, Sander, Roald, Emil, David, Tom Erik, Øyvind, Martin, Tommy, Sondre, Marius, Kristian, Ola og Per Einar.